Премиерот Христијан Мицкоски денеска ја отвори новата фабрика на Магна Мехатроникс, каде одговараше и на новинарски прашања за медиумите.
За членот на обезбедување Ангел Сарамаков, пак, кој во моментов е во притвор поради основи на сомневање дека издавал државни тајни, Мицкоски призна дека бил назначен за обезбедување откако бил избран за премиер
Мора да признаете дека ова не било случај во минатото, се сеќаваме на многу такви „јунаци“ кои беа во близина на премиерите, кои палеа и жареа низ Македонија и кои беа страв и трепет за луѓето. Јавна тајна беше дека тие се оние кои во сенка ги вршат валканите работи во име на тогашните премиери. Но, јас како човек сакам да испратам јасна порака до граѓаните дека кој и да е, доколку ја изневери довербата на граѓаните, ќе биде најжестоко санкциониран. И брат да ми е, и сестра да ми е, и „свети ВМРО“ да е, нема да има милост – рече Мицкоски.
© Vecer.mk, правата за текстот се на редакцијата
