Гази Баба го доби првиот овошен парк

Со засадување на 75 овошни садници со сертификат, произведени во Опитно поле-ФЗНХ, Скопје, општина Гази Баба го доби првиот овошен парк. Како што информираат од Општина Гази Баба, акцијата се реализираше во рамките на платформата Take green actions и спроведување на кампањата „Зелен лист – Воздух чист“, во соработка со Факултетот за земјоделски науки и храна-Скопје и компанијата ДС Смит-Скопје. Поводот за засадување на овошни садници беше одбележувањето и на 75 годишнината на Факултетот за земјоделски науки и храна и компанијата „ДС Смит“ од Скопје, 15 годишнината од формирањето на ЈКП „Гази Баба 2007“ и секако одбележувањето на Светскиот ден на волонтерството. Во наредниот период активностите за формирање на овошни паркови ќе се прошири и во други делови на општина Гази Баба. Инаку, предвидени се активности за формирање на овошни паркови во основните училишта и градинките. -Со формирањето на урбаните овошни паркови од една страна се дава поддршка на предизвикот на ФАО Свет без глад до 2030 година и од друга страна созадаваме нови зелени површини и придонесуваме кон зачувување на животната средина – соопштија од локалната самоуправа.

ИСТОРИСКА ТУЖБА ПРОТИВ ЕВРОПСКАТА КОМИСИЈА – Не ги штити правата на Македонците во Бугарија

Од полноќ почнува МОЛК ЗА ПРЕТСЕДАТЕЛСКИТЕ ИЗБОРИ, НО КАМПАЊА ЌЕ ИМА ЗА ПАРЛАМЕНТАРНИ