Фотогалерија од предмалку потпишаниот Договорот за стратешко партнерство меѓу владите на Република Македонија и на Обединетото Кралство, парафиран од вицепремиерот и министер за транспорт Александар Николоски и британскиот министер за економија и извоз Герет Томас, кои во Лондон го потпишаа Договорот со кој земјава добива на располагање историски најголем обем на средства од пет милијарди фунти за реализација на капитални проекти.
Договорот кој е потпишан денеска, порано неделава беше усвоен од македонската Влада, откако премиерот Христијан Мицкоски и неговиот британски колега Кир Стармер постигнаа согласност за стратешко партнерство на средбата одржана во рамки на Самитот на Европската политичка заедница во Тирана.
Договорот за стратешко партнерство меѓу двете земји, кој се оценува како историски, е резултат на повеќемесечни интензивни преговори меѓу дипломатски и експертски тимови од двете страни и претставува потврда за конкретна и долгорочна определба за зајакнување на билатералните врски и економската соработка со Обединетото Кралство.
фб
© Vecer.mk, правата за текстот се на редакцијата
