На опозицијата и смета тоа што ние навистина работиме и добро сработуваме, вели министерот за здравство Венко Филипче за Топ Тема на Телма, убеден дека многу добро си ја работат работата и покрај сите критики, и тоа што Македонија се уште нема поголемо количество на вакцини.
Филипче исто така и ги отфрли обвинувањата за незаконско работење со офшор посредниците за набавување вакцини од Кина.
- Обвинувањата од опозицијата се во континуитет. Сметам дека луѓето сакаат да ги пресликаат работите што тие ги правеа. Таков начин како што имаше во времето на ВМРО-ДПМНЕ, сега нема. После иницијалните обиди да стигнеме до прозводителите и не успеавме, од нашите кинески компании тука добивме препорака како да стигнеме до производителите. И стигнавме до нив, разговаравме и за количините и за времето на транспорт, рече тој.
Филипче изјави и дека после известувањето на тамошното министерство им беше укажано дека не е тоа патот по кој треба да се оди, па дури тогаш послушале.
- Какви провизии кога ние сме направиле уплата и таа е вратена, вели Филипче
