Апелацискиот суд денеска ги разгледува жалбите за случајот кој ја потресе јавноста – двојното убиство на малолетната Вања Ѓорчевска и Панче Жежовски. Четворицата осудени, кои добија доживотни затворски казни за убиствата и по 10 години за грабнување, бараат укинување на првостепената пресуда и повторување на судењето.
Истовремено, Обвинителството поднесе жалба на ослободителната пресуда за таткото на Вања, Александар Ѓорчевски. Според првичната пресуда, злосторствата биле планирани со цел изнуда и користење на возилото на Жежовски. Телата на жртвите беа пронајдени на 3 декември 2023 година, по неколкудневна потрага. Сега е на ред второстепениот суд да пресече дали процесот ќе се врати на почеток или доживотните казни ќе останат во сила.
© Vecer.mk, правата за текстот се на редакцијата
