Премиерот Христијан Мицкоски изјави дека не е точна тезата дека за предложениот Изборен законик нема консензус, посочувајќи дека партијата Левица активно учествувала во процесот на неговото усогласување.
Одговарајќи на новинарско прашање дали Владата планира да го повлече законикот поради недостиг на согласност, Мицкоски рече дека на Левица ѝ биле прифатени сите забелешки, особено оние што се однесувале на финансирањето на изборната кампања.
„Сѐ што побараа им беше прифатено и усогласено беше со сите што преговараа, за што има и записници. Проблемот настана кога не сакаа да се потпишат и рекоа: 'Вие потпишете го и слободно гласајте го, ние нема да правиме филибастеринг', па така да помине“, изјави Мицкоски.
© Vecer.mk, правата за текстот се на редакцијата
