СДСМ со денови ја повикува ВМРО-ДПМНЕ да ја прифати нивната резолуција со која се одвива примање мигранти во Македонја, а сè уште не ја доставил во Собранието.
Од Собранието информираат дека до овој момент не ја примиле резолуцијата.
Претседателот на СДСМ, Венко Филипче бара ВМРО-ДПМНЕ да докажела дека нема договор на Македонија со Велика Британија за прифаќање мигранти. Премиерот Христијан Мицкоски и други високи функционери ги демантираа изјавите на Филипче и побараа Јавното обвинителсто да реагира дека СДСМ со дезинформации шири страв меѓу населението.
Во меѓувреме, ВМРО-ДПМНЕ и коалициските партнери во Владата во Собранието поднесоа своја резолуција со која гарантираат дека ќе нема мигранти, која денеска се очекива да биде усвоена.
Пратеникот од ВМРО-ДПМНЕ Бојан Стојаноски денеска изјави дека лагите на СДСМ се разоткриени, а резолуцијата на ВМРО-ДПМНЕ и коалицијата ја гарантира безбедноста во државата.
– Во изминатиот период бевме сведоци на тоа како СДСМ сака да внесе несигурност и вознемиреност во јавноста преку ширење на лажни информации, свесни манипулации и дезинформации, кои беа интензивно и гласно пласирани во јавниот простор. Разбирливо е дека СДСМ и Филипче се во континуиран слободен пад, без визија и во отсуство на вистински политики, и затоа посегнуваат по секоја цена да дојдат до некаков политички поен и краткорочен бенефит. Ова СДСМ не го прави случајно, туку е свесна стратегија, поради тоа што нема што ново да понуди – рече Стојановски.
Ваквата кампања на опозициската СДСМ директно го нарушува мирот на граѓаните и е во спротивност со Кривичниот законик, Законот за прекршоци против јавниот ред и мир, како и со Законот за спречување и заштита од дискриминација, потенцира Стојановски.
– Токму затоа преку Резолуцијата поднесена од пратеничката група на ВМРО-ДПМНЕ и коалицијата во Собранието јасно се отфрлуваат и се поништуваат сите аранжмани, одлуки и политики на поранешната влада предводена од Зоран Заев поврзани со кампови за мигранти. Јасно ја потврдуваме определбата за принципиелна, одговорна и предвидлива надворешна политика, заснована на заштита на националните интереси и почитување на меѓународното право. Со оваа Резолуција се става крај на сите шпекулации, дезинформации и лажни сценарија кои СДСМ се обиде да ги наметне во јавниот дискурс, а се поврзани со наводно прифаќање мигранти или изградба на кампови. За секое следно ширење на паника, лажни вести и манипулација на народот, кривично ќе се одговара. ВМРО-ДПМНЕ останува цврсто посветена на заштитата на државните интереси и ја гарантира безбедноста и сигурноста на сите граѓани – рече пратеникот Стојановски.
© Vecer.mk, правата за текстот се на редакцијата
