Сите 14 осомничени за трагедијата во која загинаа 59 млади лица во дискотеката на смрта, се спроведени во Судот во Кочани.
Поранешниот министер за економија, Крешник Бектеши ќе заврши во притвор за следните 48 часа, исто како и поранешниот директор на Пазарниот инспекторат Горан Трајковски, откако Судот го прифати барањето на обвинителството.
Судот во Кочани го прифати барањето на обвинителството за Бектеши да биде испратен во „краток притвор“, заедно со уште седуммина други осомничени, додека се уште се чека да се утврди во кој затвор ќе биде испратени.
48 часа притвор доби и Беким Максути, поранешниот директор на Дирекцијата за заштита и спасување.
Во судот беше спроведена и поранешната државна секретарка во министерството за економија Размена Чекиќ Дуровиќ.
Обвинителството вечерва соопшти дека распитот на градоначалникот на Кочани, Љупчо Папазов е завршен и дека дополнително ќе биде донесена одлука за неговиот натамошен статус во постапката.
Извор: Република
© Vecer.mk, правата за текстот се на редакцијата
