Едно лице загина, а три се повредени во сообраќајната несреќа што вчера некаде околу 15: 50 часот се случи на регионалниот пат Маврови Анови-Дебар, во близина на Ростушки мост.
Портпаролот на СВР Тетово, Марјан Јосифоски истакна дека во несреќата учествувале автомобил „хундаи акцент“ со скопски регистарски ознаки управуван од 68-годишниот А.Ѓ. од Скопје и товарно возило влекач „ман“ со приколка со српски национални ознаки, управувано од 52-годишниот Љ.Д. од Панчево.
-Во несреќата возачот на патничкото возило починал на самото место, а тројцата сопатници од истото возило М.Р.(26), Ј.Т.(30) и Г.Т.(34) биле пренесени во Скопје за укажување на лекарска помош, информира Јосифоски.
На местото на несреќата увид извршиле Јавен обвинител и екипа од Одделението за внатрешни работи Гостивар. Возачот на товарното возило е приведен во Полициската станица Гостивар
