- Игор Спасов беше уапсен вчера во Софија, во областа Младост каде што се криел
- Според информациите на Бугарското национално радио, тој не се противел при апсењето
- Спасов е осуден на 14 години затвор за убиството на Мартин Нешкоски
Поранешниот полицаец Игор Спасов осуден за убиството на Мартин Нешкоски, кој се бараше со меѓународна потерница, уапсен е вчера во поппладневните часови во населбата Младост во Софија од страна на бугарската полиција по добиена дојава, јави Бугарското национално радио БНР, пренесува дописникот на МИА од Софија.
-Игор Спасов беше уапсен вчера во главниот град, во областа Младост, каде што се криеше. Според медиумите, тој има 14-годишна затворска казна во Република Северна Македонија за убиство. Спасов живеел во Софија во стан во областа Младост во главниот град. Полицијата добила сигнал дека тој се крие таму. Спасов беше уапсен вчера попладне, стои на веб страницата на БНР за неговото приведување.
Според информациите на Бугарското национално радио, тој не се противел при апсењето,
Портпаролот на МВР Тони Ангеловски.синоќа за МИА потврди дека биле исвестени од бугарските колеги дека по распишаната меѓународна потерница вчера е приведен Игор Спасов.
Спасов е осуден на 14 години затвор за убиството на Мартин Нешкоски
МВР распиша меѓународна потерница за Спасов на крајот на октомври 2019 година откако тој не се врати во затворот по завршување на лекувањето.
Игор Спасов, се бараше со наредба издадена од Основен суд Штип за сторени кривични дела по чл.123 и чл.386 од КЗ на РСМ за доиздржување на казна затвор од седум години и три месеци, стои на веб страницата на МВР
© Vecer.mk, правата за текстот се на редакцијата
