Судските власти во Солун вчера донесоа одлука да одобрат екстрадиција на 34-годишен маж од Северна Македонија, кој во Германија се бара под обвиненија за учество во грабеж и убиство на 81-годишен германски државјанин.
Лицето било задржано од грчката полиција на граничниот премин Евзони во мај, при рутинска проверка што открила дека против него постои европска потерница.
Според информациите на германското обвинителство, кривичните дела се случиле во февруари во мал град во сојузната покраина Хесен. Осомничениот престојувал во сместување што го изнајмил убиениот, заедно со други сограѓани. Наводно, сторителите го врзале и го задушиле 81-годишниот маж, одземајќи му пари од дома.
На сослушувањето, македонскиот државјанин побарал да биде задржан во грчки затвор, тврдејќи дека тоа би било полесно за неговото семејство кое живее во Велес. Сепак, судот ја одбил неговата молба.
© Vecer.mk, правата за текстот се на редакцијата
