Поранешниот премиер Зоран Заев и поранешниот министер за здравство Венко Филипче барале начин како да дојдат до сопствеништво во болницата „Жан Митрев“, во екот на судската хајка против познатиот кардиохирург, обвинет за наводни измами на пациенти при лекување во корона-кризата.
Ова во Вечерното шоу на Богдан Илиевски на ТВ Алфа директно го потврди д-р Митрев. Ова е клучниот дијалог (видео-снимка на крајот од овој текст):
Богдан Илиевски: Политички големци од претходната гарнитура, на највисоки функции, можеби еден премиер и еден министер за здравство, биле директно заинтересирани за најдат начин до сопствеништво врз вашата болница. Дали сте го слушнале овој муабет?
Жан Митрев: Да, да.
Богдан Илиевски: Дали сте го почувствувале таквиот обид?
Жан Митрев: Да.
Богдан Илиевски. Потврдувате ли дека имало заинтересираност од Зоран Заев и од Венко Филипче да најдат пат до сопствеништво врз вашата болница?
Жан Митрев: Да, имаше такви реални контакти. И на писмено, не само вака…
Во продолжение на разговорот, д-р Митрев објаснува дека на заинтересираните за преземање удели во болницата им објаснил дека освен што биле замрзнати неговата лична сметка и сметката на болницата, Обвинителството ставило забрана и за продажба на удели.
После една недела се случило „чудо“: сметките останале замрзнати, но забраната за продавање удели била симната.
На потег е Јавното обвинителство да реагира по допрен глас и да ги истражи сите околности поврзани со тврдењата на д-р Жан Митрев.
Инаку, хајката против д-р Жан Митрев, започна непосредно пред Заев и Филипче да сакаат да стекнат сопственост над болницата. Вечер.мк веќе пишуваше на оваа тема.
© Vecer.mk, правата за текстот се на редакцијата
