Лидерот на ВМРО-ДПМНЕ Христијан Мицкоски вечерва му го честиташе реизборот на Ердоган за претседател на Турција.
-Честитки за значајната и јасна победа на големиот пријател на Македонија Реџеп Таип Ердоган. Посакувам успешен мандат и нови достигнувања на пријателскиот Турски народ и пријателска Турција, му честиташе вечерва лидерот на ВМРО-ДПМНЕ Христијан Мицкоски на реизборот на претседателот на Турција.
Ердоган доби 52,14 отсто од гласовите во вториот круг во неделата, победувајќи го својот противкандидат Кемал Киличдароглу, кој освои 47,86 отсто, според Врховниот изборен совет.
Гласањето го запечатува местото на Ердоган во историјата бидејќи тој го продолжува своето 20-годишно владеење за уште пет години.
Ердоган веќе го надмина 15-годишното претседателствување на основачот на Република Турција, Мустафа Кемал Ататурк.
https://vecer.mk/svet/erdogan-proglasi-pobeda-se-otvori-vratata-za-noviot-turski-vek/
© Vecer.mk, правата за текстот се на редакцијата
