Горан Бошевски, адвокат на обвинетиот Велибор Манев, на денешното рочиште за убиствата на Вања Ѓорчевска и Панче Жежовски, на кои завршни зборови дава одбраната, истакна дека неговиот штитеник од првообвинетиот Љупчо Палевски добивал инструкции за грабнувањето на велешкиот пензионер со кого се познавал од претходно. Манев и Боре Видевски претходно ја имале ископано земуницата, каде подоцна тој на полицијата му откри дека е закопан убиениот Жежовски.
За денот на грабнувањето на Жежовски
Палевски преку „моторола“ им кажал да влезат.
Влегол прв Маневски и го турнал Жежовски додека Палчо го земал телефонот, кој подоцна го фрлил во долот.
Неспорно е дека грабнувањето на Панче е во ден среда.
Двете возила тргнале кон земуницата.
Го изнеле Панче, го спуштиле.
Велибор се наведнал и во тој момемт го видел Палчо како пука кон Панче. Кога го прашал зошто го направил тоа, Палчо му рекол:
„Да не расипуваме сега пријателство“.
За грабнувањето на Вања
Боре ѝ го исклучил мобилниот на девојчето.
Кога стасале, Палевски ја извадил и ја сликал. Палевски зборувал со некого на телефон. Кога ја извадиле лентата виделе дека е девојче и му рекле да ја пуштат оти е грешка.
„Носиме маски нема да не познае, да ја пуштиме“, му предложил Манев на Палчо.
Но, Палевски го зел пиштолот и го убил девојчето. Отишол до неговото возило, извадил копач и лопата и им ги дал да копаат дупка, објасни во завршните зборови адвокатот Бошевски.
© Vecer.mk, правата за текстот се на редакцијата
