Семеен конфликт во Скопје завршил со интервенција на полицијата и болничко лекување на 28-годишна жена, која пријавила дека била нападната од својата свекрва.
Според информациите од Министерството за внатрешни работи, инцидентот се случил на подрачјето на Центар, а случајот бил пријавен во СВР Скопје во текот на вчерашниот ден.
Жената навела дека нејзината 56-годишна свекрва најпрво го оштетила возилото „Пежо Боксер“, а потоа со сила ја извлекла од возилото и ја турнала на земја.
При падот, 28-годишната скопјанка се здобила со тешка телесна повреда, по што побарала лекарска помош. Повредата била констатирана во болницата „Свети Наум Охридски“ во Скопје.
Надлежните институции преземаат мерки за целосно расчистување на случајот и утврдување на сите околности под кои се случил инцидентот.
Фото: Илустрација
© Vecer.mk, правата за текстот се на редакцијата
