Премиерот Христијан Мицкоски од граничниот премин Табановце порача дека Владата ќе продолжи да ја поддржува работата на Царинската управа и очекува уште подобри резултати со новата опрема донирана од Европската Унија.
Мицкоски упати и порака до оние кои се занимаваат со криминал, нагласувајќи дека државата ќе продолжи со борбата против криминалните структури.
„Мораме да покажеме дека да се биде криминалец и да се занимаваме со криминал е неисплатлива професија. Оваа Влада има сериозна намера да застане на патот на тие коишто одлучиле да бидат сојузници на криминалот и сакам јасно да кажам на македонската јавност дека тие ќе бидат фатени и изведени пред лицето на правдата“, рече Мицкоски.
© Vecer.mk, правата за текстот се на редакцијата
