Британскиот премиер Борис Џонсон тврди дека "лично" го платил преуредувањето на својата резиденција во Лондон.
Еден час откако регулаторот на британската политичка партија објавил дека истражува како е платено реновирањето на станот, опозиционерот Кер Стармер го испрашувал Џонсон на оваа тема.
"Преуредувањето на Дауинг стрит го платив лично", рекол Џонсон.
Тој додал дека "во целост се придржувал" до кодексот на однесување кој важи за владејачките партии, потоа и до својата улога како премиер и дека сите го советувале по тоа прашање.
Освен случајот за преуредувањето, Џонсон е обвинет дека изјавил шокантна реченица со која се спротивставил на новото затворање. "Daily Mail" известил дека на состанокот премиерот наводно рекол дека "нема повеќе затворања па ако треба нека се соберат илјадници починати од коронавирус".
Џонсон демантирал дека рекол такво нешто. Додал дека одлуката за повторното затворање била многу тешко да се донесе.
"Затворањето е ужасна работа, но морам да кажам дека сметавме дека немаме избор", рекол премиерот.
