Синоќа на кружниот тек на булеварот Туристичка во Охрид се случи сериозна сообраќајна несреќа. Лек автомобил од марката „Голф“ удри во двајца пешаци од засега неутврдени причини. Според полициски извори, едно лице почина од здобиените повреди, додека другото беше пренесено со сериозни повреди во болницата „Св. Еразмо“.
Неофицијалните информации упатуваат на тоа дека станува збор за брачна двојка која се нашла на патеката на возилото кое изгубило контрола. По губитокот на контролата, автомобилот преминал преку кружниот тек и излетал на спротивната лента, каде што ги прегазил пешаците и се забил во заштитната ограда.
Полициската истрага околу околностите на несреќата е во тек, а од надлежните институции најавуваат дополнителни информации во текот на денот.
© Vecer.mk, правата за текстот се на редакцијата
