Тензична расправа за ребалансот на Буџетот, Фатмир Битиќи од СДСМ со навреди кон министерката и заменик-министерот за финансии. На продолжението на расправата за предлог – ребалансот на буџетот, на моменти беше и тензична.
Пратеникот на СДСМ, Фатмир Битиќи, со иронични коментари и навреди кон министерката и заменикот – министер за финансии.
-Бездната во која што пропаѓате е многу длабока. Имате уште да одите надоле и во тоа ве смести сметководителката и професорот, рече Битиќи.
На ова бурно реагираа присутните пратеници.
-Министерката за финансии потценувачки ја ословивте како сметководителка и заменикот министер исто така со потценување како професор бидејќи вие сте биле експерт кој тука моли да држи некому часови, веројатно нема студенти таму каде што треба да ги држи, му одговори пратеничката Дафина Стојаноска од ВМРО-ДПМНЕ.
© Vecer.mk, правата за текстот се на редакцијата
