Мицкоски одговори дека Бадијала ќе им биде Рамковниот на СДСМ и ДУ кога младите без разлика дали се Македонци и Албанци си заминуваат од Македонија бидејќи гледаат бесперспективност поради овој криминален и корумпиран режим, рече претседателот на ВМРО-ДПМНЕ, Христијан Мицкоски денеска од Љубанци.
„Добро, оние враќаат, рециклираат теми од минатото. Тоа е затворена работа. Сега се фокусираме на иднината и е факт дека и во Љуботен и тука во Љубанци младите си одат. Зашто си одат? Затоа што за жал бесперспективност гледаат поради овој криминален и корумпиран режим без разлика што во Љуботен се Албанци а во Љубанци се Македонци, рече тој.
Истакна дека децата си одат, младите си одат и среќа што имаме вакви амбициозни градоначалници и луѓе во политиката млади и чесни кои што сакаат да работат и сакаат да овозможат и да остават нешто позади себе за да ги задржат тие луѓе тука.
„Но, ако се оставиме на овие луѓе од ДУИ и од СДСМ за бадијала ќе им биде Рамковниот кога се празнат селата, односно селата дека се празнат е веќе стара вест, сега се празнат и градовите. Гостивар од 84 илјади на 59 илјади и тоа на оној попис онаков каков што беше. Тетово нема вода за пиење, Арачиново нема канализација и сега они седат и трошат 70-100 илјади евра по некакви забави таму. Шокантно, што да ви кажам“, истакна Мицкоски.