Додека репрезентацијата на Македонија вечерва ги одмерува силите со Англија на арената „Тодор Проески“ во Скопје, дел од министрите во македонската Влада се наоѓаат во Тирана каде што ѝ даваат поддршка на Албанија во дуелот против Фарските Острови.
Според ТВ 21, вицепремиерот Артан Груби, министерот за економија Крешник Бектеши и министерот за правда Кренан Лога вечерва наместо на трибините на Градски се наоѓаат во албанската престолнина, каде што ќе го слават и официјалниот пласман на нашиот западен сосед на ЕП 2024.
„Албанија, со тебе сме“ порачаа и политичарите од опозицијата Изет Меџити, Висар Ганиу, Африм Гаши и Биљал Касами.
Инаку, токму Енис Барди е стрелец на голот со кој Македонија поведе вечерва.
© Vecer.mk, правата за текстот се на редакцијата
