По стабилното претпладне со повеќе сончеви периоди, денеска во попладневните часови, локално ќе се развиваат конвективни грмотевични облачни јадра од кои се очекува појава на пороен дожд, грмежи и силен западен ветер. Особено во вторник, на 12 мај 2026, локално атмосферските процеси ќе бидат поинтензивни и во форма на невреме проследено со електрични празнења и со услови за појава на град.
Поради силното југозападно и западно воздушно струење од Сахара кон територијата на Македонија повторно ќе се врши поголем транспорт на прашина и на песок па атмосферата ќе биде заматена. Дождот што ќе паѓа ќе биде нечист и помешан со прашина.
© Vecer.mk, правата за текстот се на редакцијата
