Од први август скопјани ќе плаќаат малку повисоки сметки за парно греење. Регулаторната комисија за енергетика донесе одлука за минимално зголемување на цените, при што за просечно домаќинство сметката ќе биде повисока за околу 140 денари. Истовремено, РКЕ ги зголеми и цените на горивата, па бензините поскапуваат за три, а дизелот за 4,54 денари по литар.
Регулаторната комисијха за енергетика одлучи парното греење за корисниците во Скопје да поскапи од 1. август.
За корисниците на ЕСМ Снабдување зголемувањето е 5,96, за корисниците на ЕСМ Еенергетика или т.н железарско парно поскапувањето е 5,18 проценти, а за корисниците на ЕнергоЕколог поранешно Скопје Север, покачувањето е 3,65 проценти.
Според пресметките на РКЕ за просечен стан од 60 метри квадратни зголемувањето ќе биде 140 денари.
И со овие покачени цени според директорот на РКЕ Ацо Ристов и натаму сме со најниски цени во регионот во однос на толинската енергија.
Денеска е донесена одлука и за зголемување на цената на горивата и тоа 3 денари за бензините и 4,54 денари за дизел горивото.
© Vecer.mk, правата за текстот се на редакцијата
