Советничката група на СДСМ поднесе иницијатива за одржување на вонредна седница во Советот на Град Скопје, со единствена точка на дневниот ред – разрешување на Јулијана Спировска од позицијата претседателка на Управниот одбор на ЈП Комунална Хигиена.
Од СДСМ ги повикаа сите советнички групи да ја поддржат иницијативата. Инаку, претходно градоначалничката Данела Арсовска јавно ја обвини Спировска за тековните проблеми со чистотата и одржувањето на јавниот простор во Скопје. Арсовска во објава на социјалните мрежи наведе дека Спировска има прекршок за кривично дело убиство и додаде дека во последните три години таа ниту еднаш не дала поддршка за набавка на нова механизација или за решавање на статусот на теренските работници.
Дополнително, Арсовска потенцираше дека вработените во ЈП Комунална Хигиена се меѓу најпосветените во градот, заслужни за редовното одржување на чистотата, и дека тие имаат потреба од институционална, а не од партиска поддршка.
© Vecer.mk, правата за текстот се на редакцијата
