Многу граѓани ќе
останат уште долго време без пасоши бидеќи следната пратка ќе стигне дури во
јуни, што значи додека се фотографираат граѓаните и додека добијат нов пасош летото
ќе помине.

Вицепремиерот Бојан
Маричиќ изјави дека во јуни пристигнува нова тура обрасци од околу 300.000 и
практично до септември ќе се издадат околу 1.900.000 пасоши што е и вкупниот
број на граѓани, бидејќи пасоши не вадат сите и не се заинтересирани да имаат
пасоши.

„Ние треба да
гледаме од аспект на граѓаните. Со законот само дополнително се внесува правна
несигурност и проблеми на границите може да имаат граѓаните. Сѐ додека немаме
официјално известување од ниту една држава членка на ЕУ дека може да се патува
со стариот пасош, граѓаните можат да се соочат на било кој граничен премин со
проблем да бидат запрени. Зошто да ги доведуваме граѓаните во една непријатна
ситуација, дополнително да бидат во неизвесност на граничните премини, дали ќе
поминат или не“, изјави тој вчера во готување на Телма.

Во меѓувреме
ВМРО-ДПМНЕ секојдневно ја повиквуаат СДСМ да го поддржи законот за продолжување
на важноста за граѓаните да не бидат заглавени.

„Владата на СДС и
ДУИ во домашен притвор стави над 600.000 граѓани, а на над стотици илјади
граѓани им го загрози престојот во странство. И наместо да го прифатат
предлогот на ВМРО-ДПМНЕ за продолжување на важноста на пасошите, СДС тера инат
на сметка на граѓаните“, велат тие.

Додаваат дека инаетот
на СДС ќе биде казнет на изборите.

И додека
граѓаните буквално се во домашен притвор, СДС дополнително прави фешта со тоа
што додека го кочи законот и не го поддржува за продолжувањето на пасошите, го
испраќа заменик дополнителниот министер за внатрешни работи Митко Бојмацелиев
да тера пи-ар на пречек на обрасците кои требаше да пристигнат многу порано,
велат од ВМРО-ДПМНЕ.

МНОГУ ГРАЃАНИ УШТЕ ДОЛГО ЌЕ ОСТАНАТ БЕЗ ПАСОШ, нова пратка на обрасци во јуни, а додека закажат и го добијат пасошот....