Наместо давање пари за тренирање магариња, кондоми, измислување нови пици... што беше пракса на поранешната влада на СДСМ и ДУИ, сегашната влада ќе дава пари за младите кои учат и кои со парите ќе имаат бенефит за секојдневниот живот и нивното учење - во комјутери.
Потсетуваат дека секој студент, со навршени 29 години ќе добие по 250 евра или 15.300 денари за да набави техничко помагало.
Сите редовни и вонредни студенти на додипломски студии запишани на државни или приватни факултети во Македонија до наполнети 29 години ќе добијат ваучер од 250 евра (15 300 денари) за набавка на техничка опрема обезбедување на персонален компјутер, таблет компјутер или лаптоп пренослив компјутер. Владата предводена од ВМРО-ДПМНЕ ги исполнува изборните ветувања а со овој конкретен проект се обезбедуваат еднакви шанси за секој млад човек. Сите млади ќе имаат еднаков пристап до модерно образование. Владата предводена од ВМРО ДПМНЕ продолжува со континуирана поддршка, мерки и проекти со цел задржување на младите и студентите во сопствената држава, велат од ВМРО-ДПМНЕ.
© Vecer.mk, правата за текстот се на редакцијата
