30 ДЕНА ЗАД РЕШЕТКИ ЗА КОРАБОСКИ – Осомничен дека ја претепал и противправно ја затворил својата партнерка

Vecer | 17.11.2026

30 ДЕНА ЗАД РЕШЕТКИ ЗА КОРАБОСКИ – Осомничен дека ја претепал и противправно ја затворил својата партнерка
Додај го Вечер како твој извор на Google (се отвора во нов таб)

Основниот суд во Охрид му одреди 30-дневен притвор на 31-годишниот Кристијан Корабоски, осомничен за физички напад врз неговата 26-годишна партнерка Сара Ѓ.

Против него се води постапка за три кривични дела: телесна повреда, противправно лишување од слобода и загрозување на сигурноста.

Според информациите од Обвинителството, при вршење семејно насилство, осомничениот наводно противправно ја затворил партнерката, физички ја нападнал, ѝ нанел телесни повреди и ја загрозил нејзината сигурност.

По пријавениот настан, јавниот обвинител презел повеќе дејствија за утврдување на околностите. Била сослушана оштетената во присуство на претставници на социјалните служби, а било наредено и извршено вештачење за видот и карактерот на повредите што ги здобила.

Одлуката за притвор е донесена по предлог на надлежното обвинителство, со цел обезбедување на непречено водење на постапката.

Случајот доби дополнителна димензија откако беше приведен и таткото на Сара. Тој бил задржан во полициска станица по пријава од мајката на Кристијан Корабоски, која тврдела дека таткото на девојката телефонски му упатувал закани на нејзиниот син и на целото семејство. За него беше најавено поднесување соодветна пријава.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk