Празнувајќи го 5 ноември – Меѓународниот ден на ромскиот јазик го даваме нашиот придонес во чувањето и негувањето на културните особености на ромската заедница, порача вицепремиерот и министер за односи меѓу заедниците Иван Стоилковиќ. 

- На денот кога ги славиме ромскиот јазик и култура, како нераскинлив дел од глобалната мултикултурна заедница во која живееме, се потсетуваме дека на тој начин не само што ги чуваме традицијата и фолклорот на Ромите, туку и ја збогатуваме нашата заедничка историја и иднина, отворајќи пат за уште посилно меѓусебно разбирање и почитување.

Светскиот ден на ромскиот јазик&nbsp;ги промовира&nbsp; јазикот, културата и образованието, а се слави секоја година на 5 ноември, денот кога почнувајќи од 2009 година се направени првите чекори кон негово признавање за малцински јазик според&nbsp;Европската повелба за регионални или малцински јазици. Од 2015 година на барање на Република Хрватска,&nbsp;УНЕСКО&nbsp;го прогласил 5 ноември за Светски ден на ромскиот јазик.

Прифаќањето на различностите нѐ прави уникатни, а нивното негување е наш влог во иднината на општеството во кое битисуваме – мултикултурно општество на кое треба да бидеме горди.

Честит 5 Ноември – Меѓународен ден на ромскиот јазик!, истакна Стоилковиќ.&nbsp;

Стоилковиќ: Прифаќањето на различностите нѐ прави уникатни, а нивното негување е наш влог во иднината