Ќе се проверува
како досега екс членовите на историската комисија како ги трошеле државните
средства, најави премиерот Христијан Мицкоски.

Премиерот вели нека
се вклучи ОБСЕ, но сега ќе се вклучат и инспекциските и истражните органи да
видиме каде и на што се трошеа парите, колкави се хонорарите на оние коишто
направија ништо изминативе години, односно го засрамија народот во Македонија и
ги продадоа македонските интереси.

Претходно
денеска, тие во отворено писмо повикаа на промена на методологијата во работата
на Комисијата и вклучување експерти од УНЕСКО, Советот на Европа или ОБСЕ.

„Нека се вклучат
експерти, ние сме за да се вклучат и да се најде решение. Е сега, дали овие
политички флоскули од страна на поранешните членови на историската комисија
треба да се коментираат повеќе и да им се посветува внимание, не мислам.
Потрошени се стотици илјади народни пари, евра за ништо. За нешто коешто
резултираше со капитулација прифаќајќи го тоа што го прифатија двоецот
Ковачевски и Османи. Така што, јас мислам дека отсуството на доверба, на оваа
влада која доби легитимитет од граѓаните да ги исправат погрешно водените
процеси во минатото, кон овие членови на старата комисија е прашање на
политичка одлука, тоа не е прашање на нешто друго, дали ОБСЕ ќе се вклучел или
не знам кој ќе се вклучел“, изјави денеска премиерот Мицкоски одговарајќи на новинарски
прашања.

„ЌЕ СЕ ИСТРАЖИ КАКО ГИ ТРОШЕЛЕ ПАРИТЕ И КОЛКУ ЗЕМАЛЕ оние кои ги продадоа македонските интереси“