Вечерва во кафуле во Штип се случи пукање . Настанот, според досегашните сознанија на штипските медиуми, е резултат на престрелка меѓу двајца турски државјани, студенти.
„Вечерва околу 21.30 часот во СВР Штип било пријавено дека во угостителски објект на градскиот плоштад во Штип, било пукано со пиштол при што едно лице е повредено. Лицето со возило на итна медицинска помош е пренесено во болница во Штип. Се преземаат мерки за пронаоѓање на лицето кое пукало и за расчистување на случајот“, велат од МВР.
Според неофицијални информации, едно лице го загубило животот во инцидентот.
Фото: принтскрин мтнет
© Vecer.mk, правата за текстот се на редакцијата
