На раскрсницата кај Градската болница „Св. Наум Охридски“ во Скопје денеска околу пладне се случи сообраќајна несреќа во која учествуваа две возила, при што е повреден еден од возачите. Истовремено, на локацијата е срушен семафор.
„Денеска (04.08.2026) во 11:50 часот во СВР Скопје е пријавено дека на крстосницата од ул. ‘11 Октомври’ и ул. „Филип Втори“ во Скопје се случила сообраќајна незгода помеѓу патничко возило „бмв“ со скопски регистарски ознаки, управувано од К.П.(22) од Скопје и патничко возило „голф“ со скопски регистарски ознаки. Во незгодата, возачот на патничкото возило „голф“ со возило на Итна медицинска помош е пренесен во Комплексот клиники „Мајка Тереза“ за укажување лекарска помош“, информираат од МВР.
Оттаму посочуваат дека увидот на несреќата е во тек.
© Vecer.mk, правата за текстот се на редакцијата
