УКРАЛЕ СЕФ СО ПАРИ ОД ФИРМА ЗА БРЗ ТРАНСФЕР НА ПАРИ

Двајца крадци украле сеф со пари од фирма за брз трансфер на пари во Скопје.

Како што соопшти полицијата, на 22.05.2026 околу 04:30 часот во Скопје, полициски службеници од СВР Скопје ги лишија од слобода П.П.(29) и Р.Ѓ.(20), двајцата од Скопје.

Тие се сомничат дека претходно со употреба на физичка сила и погоден алат одзеле сеф со пари од простории на правно лице за брз трансфер на пари на улицата Козара на подрачјето на Центар во Скопје.

Одземеното е пронајдено и вратено на сопственикот, а по целосно документирање на случајот против нив ќе биде поднесена соодветна пријава.