Марија Изабел Бенитез Шамба починала во Еквадор минатиот месец на 95 -годишна возраст. Нејзиното семејство и пријателите присуствувале на погребот, а еден од присутните одбил да ја напушти церемонијата.
Имено, станува збор за нејзиното куче Бумер, кое за време на церемонијата се сместило покрај ковчегот и не мрднало.
Тој останал со сопственичката, исто како додека била жива.
– Можеше да се види лојалноста што постоеше помеѓу Марија и нејзиното куче – рече претставникот на погребната компанија за The Dodo.
Видеото набрзо стана вирално и растажи многу корисници на Интернет ширум светот.