Сето тоа се случило на историската улица Виа Венето во Рим, во близина на Американската амбасада, и се покажало дека тој носел дел од антички столб, тежок 30 килограми!
Германецот не е обвинет
Претставник на римските археолози истакнува дека античкиот артефакт е од „историско значење“. Полицијата соопшти дека туристот тврдел дека го добил камениот дел од столбот како „сувенир“, но останува нејасно дали платил за него.
Властите велат дека Германецот не е обвинет, но е под истрага за „примање украдено културно богатство“. Неговото име не е објавено.
Археолозите го проучуваат артефактот за да утврдат каде е однесен, објави Си-Ен-Ен.
Фрустрации во врска со туристите
Инцидентите предизвикани од туристи не се новина за италијанските власти, а неодговорното однесување на поединци предизвикува фрустрација со години.
Во последниве години, имаше случаи на луѓе кои возеле електрични тротинети по Шпанските скали, врежале иницијали во ѕидовите на Колосеумот, па дури и возеле мопед во античките урнатини на Помпеја.
© Vecer.mk, правата за текстот се на редакцијата
