Ефикасноста на лимонтусот во чистењето на тврдоглавите дамки и бигорот во домаќинството е неверојатна. Овој производ од помалку од 10 денари е одлична алтернатива за оцет и сода бикарбона.
Главни употреби на лимонската киселина во чистењето:
- Мијалник – посипете со сода бикарбона, додадете кесичка лимонтус и исцедете лимон, а потоа исплакнете.
- Машина за миење садови – ставете кесичка лимонтус во преградата за таблети и започнете со миење.
- Чајник – зовријте вода со две кесички лимонтус, оставете еден час и исплакнете.
- Туш и славини – испрскајте раствор од лимонска киселина и вода, оставете кратко време, а потоа исплакнете.
- Машина за перење - додадете 7-8 лажици лимонтус и вклучете го циклусот на плакнење.
- Долна облека – наместо омекнувач користете раствор од лимонтус и вода.
- Отстранување на дамки – пред перење натопете ги алиштата со жолти дамки во раствор од лимонтус и вода.
Лимонтусот се издвојува како ефикасно средство кое го отстранува бигорот, ги чисти апаратите и ја освежува облеката без силни хемиски мириси.
© Vecer.mk, правата за текстот се на редакцијата
