Гордите родители ѝ дадоа на 16-годишната миленичка и на нејзиниот нов сопруг, аматерскиот боксер Ноа Прајс (19), неверојатни шест милиони евра во готово за да го „турнат“ својот живот заедно.
Сепак, иако младенците се „на деветти облак“, овој потег предизвика поделени реакции во самото семејство. Некои членови на семејството веруваат дека тоа се премногу пари за толку млад пар и дека чувствата се мешани, но Тајсон и Парис се тие што одлучуваат - откри извор за „The Sun“.
Свадбата, која се одржа минатиот викенд на островот Ман, беше олицетворение на луксуз. 16-годишната невеста, која го напушти училиштето пред пет години за да стане инфлуенсерка, носеше луксузна венчаница „сирена“ со шлеп долг дури 15 метри. Само фустанот чинеше неверојатни 40.000 фунти.
Декорацијата вклучуваше 10.000 сини хортензии, тортата беше гигантска, а гостите ги забавуваше познатиот пејач Питер Андре, близок пријател на „Кралот на Ромите“.
Она што најмногу ја шокираше јавноста беше одлуката на младата Венецуела, и покрај милионите на нејзината сметка, да ја напушти вилата на своите родители вредна 8 милиони фунти и да се пресели во статична приколка во Јоркшир.
Причината е традицијата. Имено, Венецуела сака да го започне брачниот живот на традиционален „патувачки“ начин, исто како што правеа нејзините родители пред Тајсон да натрупа богатство проценето на 146 милиони долари.
Таа сака да се грижи за домаќинството додека Ноа оди на работа. Нејзините родители го одобруваат тоа бидејќи и самите започнале така - вели извор близок до семејството.
Покрај милионската свадба, Тајсон и Парис им платија на младенците и луксузен меден месец на тајна локација, до кој отпатуваа веднаш по церемонијата од аеродромот во Манчестер.
Да потсетиме, Тајсон и Парис Фјури имаат седум деца, а Венецуела е најстарото. Двојката е позната по тоа што се држи до своите корени и традиции, и покрај огромното богатство што Тајсон го стекнал за време на неговата боксерска кариера.
© Vecer.mk, правата за текстот се на редакцијата
