Да ја завршиме годината со уште една убава и успешна приказна! Тимот и учениците на English Language Academy - ELA повторно докажаа дека со срце и труд, сè е возможно!
Оваа година, на традиционалниот хуманитарен божиќен базар „ELA во Погон,“ малите херои и сите хумани посетители успеаја да соберат средства за целата Детска Болница - Козле! Благодарение на оваа иницијатива, тимот обезбеди постелнини за секој кревет во болницата или вкупно 235 парчиња постелнина за секое детско креветче. Дополнително ја украси клиниката со радост и насмевки, создавајќи топла и пријатна атмосфера за малите пациенти и нивните семејства.
„Благодарни сме до небо за целата поддршка што ја добивме! Гордоста што ја чувствуваме кон нашите ученици не може да се опише. Тие покажаа дека со креативност, посветеност и љубов, можат да направат големи промени,“ изјавуваат Сања и Марија, координаторки за образовни стратегии и развој во ELA.
Новогодишните украси и картички изработени од учениците не само што беа вистински ремек-дела, туку и симбол на нивната желба да направат добро дело. Секој собран денар беше искористен за да се подобри искуството на децата кои се лекуваат на клиниката и да им се покаже дека не се сами во својата борба. На хуманитарната акција се приклучија многу мали бизниси кои заедно со дечињата на ELA направија оваа хуманитарна приказна да биде успешна до небо. Голема благодарност до Farina's handmade, Мала Пажња, ДА, за забави, Iva Creativa, Ikche Green Fairy, 5 до 12, Едиција Светулка, Елена Настеска, Маја Попоска и секако Погон Бар.
Тимот на ELA испраќа огромна благодарност до сите хумани луѓе кои се придружија во оваа акција и помогнаа да се прошири љубовта и топлината. Ви посакуваме најубава и најсреќна Нова година! Бидете хумани, бидете среќни, бидете здрави! ��
© Vecer.mk, правата за текстот се на редакцијата
