Заедно со видеотое објавена и порака од наводниот сопственик, која многумина ги расплака.
Камерата снимила сè
„Нешто страшно се случи неодамна. Се обидоа да ме ограбат“, ја започна својата приказна.
„Се замрзнав за момент. Бев преплашен, не знаев како да реагирам. Пред да сфатам што се случува, моето куче - мојот верен заштитник и најдобар пријател, скокна да ме одбрани без размислување“, додаде тој.
Целиот инцидент е снимен од надзорна камера, а го гледаме моментот кога еден од сторителите излегува од својот мотоцикл и се приближува до жртвата на улицата. Очигледно не сметал на молскавично брзата реакција на четириножното милениче.
„Не му беше гајле за себе“
„Не го очекуваше тоа. Се исплаши, се сопна и избега. Она што можеше да биде ужасна трагедија се претвори во приказна за храброст и безусловна љубов“, напиша човекот.
Тој нагласи дека знае дека кучињата се лојални животни, но тој ден научил дека тие немаат граници.
„Нему не му беше грижа за својата безбедност. Јас бев неговата единствена грижа. И тоа е она што ги прави кучињата посебни - нивната љубов е бестрашна, несебична и искрена“, заклучи тој.
Емотивна порака
Тој ја заврши приказната со емотивна порака до сите што имаат крзнени миленици:
„Денес го прегрнувам моето куче малку поцврсто. И до сите што го читаат ова, никогаш не ја потценувајте љубовта кон кучето. Тие ќе ве заштитат, ќе ве утешат и ќе ве сакаат подлабоко отколку што можат да изразат зборовите.“
© Vecer.mk, правата за текстот се на редакцијата
