Животното било пронајдено живо на 7 август, со прострелна рана, помеѓу спасувачките кули 22 и 23 на плажата Balls Chica State Beach во округот Оринџ, Калифорнија. За жал, и покрај максималните напори на спасувачите од Пацифичкиот центар за морски цицачи, морскиот лав наредниот ден им подлегнал на повредите.
Прегледот открил дека младиот морски лав, кој според експертите имал две години, имал свежа рана од куршум на грбот, пренесува Worldanimalnews.
Властите активно бараат информации за поединецот одговорен за овој ужасен чин и какви било околности околу инцидентот.
Според Законот за заштита на морски цицачи, нелегално е да се вознемируваат, ловат, фаќаат или убиваат морски лавови и други морски цицачи. Постојат и други неинвазивни методи за нивно исплашување од имотот, но тие не смеат да доведат до повреда или смрт на животните.
NOAA Fisheries е канцеларија одговорна за управување со океанските ресурси на нацијата и нивните живеалишта, со научен пристап, заснован на зачувување на продуктивно и одржливо рибарство, обновување и зачувување на заштитените ресурси и здрави екосистеми.
© Vecer.mk, правата за текстот се на редакцијата
