Јогурт диетата не само што е ефикасна, туку заради неа и овој напиток ќе го засакате уште повеќе. И не само што е освежителен, туку е и богат со многу хранливи состојки и организмот го снабдува со калциум и бактерии корисни за нашите црева.
Исто така, има одредени антибактериски и антигабични својства, и помага и при варењето на храната. Одличен е и за срцето, бидејќи млечните протеини кои ги содржи, како и високото ниво на калциум, магнезиум и калиум, го регулираат крвниот притисок и работата на срцето.
МЕНИ:
1 ден
појадок: 150 мл јогурт и 150 г ананас
ручек: 50 г ‘ржан леб, чинија зелена салата прелиена со јогурт (150 мл) и зачини, 1 банана
вечера: 200 г печена пастрмка без маснотии, 200 г варен компир, 200 г варена блитва
2 ден
појадок: 150 мл овошен јогурт, 200 г јагоди
ручек: 100 г интегрални тестенини, 60 мл доматен сос, 100 мл јогурт
вечера: 150 г посно кравјо сирење, 50 г интегрален леб, 200 г ротквица
3 ден
појадок: 150 мл јогурт, 200 г сезонско овошје (или една банана)
ручек: 50 г варен ориз, 200 г варен грашок, 200 г салата од цвекло
вечера: 200 г печено пилешко бело месо, салата од 200 г зелена пиперка и 400 г домат, овошен јогурт 200 мл
4 ден
појадок: 150 мл овошен јогурт, 150 г јаболка
ручек: 200 мл супа од шампињони, парче ‘ржан леб, 400 г динстан зеленчук (тиквички, модар патлиџан, моркови, шампињони)
вечера: 100 г пилешки виршли, 400 г салата од краставица преливена со јогурт (100 мл)
5 ден
појадок: 150 мл јогурт со 30 г житни снегулки
ручек: 200 г варено филе од ослич, 100 г варен морков, 200 г варена шпаргла, 200 г варен карфиол
вечера: 100 г компир со четири лажици јогурт и зачини, зелена салата со лимон