Родителите на тинејџерот кој во вторникот отвори оган во средно училиште во САД и уби четири лица се обвинети за убиства од небрежност во петокот, изјави обвинителката на округот Оукланд, Карен Мекдоналд, нагласувајќи дека тие се одговорни и за злоделата на нивниот син. .
Итан Крамбли (15) „влезе во училиштето и го повлече чкрапалото, но други луѓе придонесоа за настанот и јас имам намера да ги повикам на одговорност“, рече таа, најавувајќи тужби против Џејмс и Џенифер Крамбли.
Џејмс Крамбли неколку дена претходно купил полуавтоматски пиштол со кој неговиот син го извршил нападот.
Загинаа четворица средношколци во Оксфорд, град во Мичиген, а шестмина се повредени, меѓу кои и еден наставник.
Напаѓачот е уапсен на местото на злосторството и обвинет за „терористички напад и убиство“.
Престрелката во вторникот се случила во училиште во Оксфорд, мал град кој се наоѓа на околу 65 километри северно од Детроит.
Сочувство до семејствата на загинатите изрази и американскиот претседател Џо Бајден.
Обвинителот Мекдоналд вети брзо судење.