Норвешката женска репрезентација за ракомет на плажа нема потреба да се грижи за плаќање на казните за носење шорцеви на натпревар од Европско првенство, се чини дека за тоа ќе се погрижи американската пејачка Пинк (41).

Пинк на својот Твитер профил објави дека е многу горда на ракометарите и ја обвини Европската ракометна федерација за сексизам кон ракометарките.

– Многу сум горда на норвешките ракометарки поради нивниот протест против правилото за многу сексистичка облека. Европската ракометна федерација треба да биде казнета за сексизам. Ќе бидам среќна да ја платам казни за вас дами. Само напред – рече Пинк на Твитер и воодушеви многумина.