Зелените ги разгледаа податоците на Агенцијата за животна средина за неоникотиноидните пестициди во речните области тестирани помеѓу 2023 и 2024 година, откривајќи дека процентот на погодени реки се чини дека се зголемил од 79 проценти забележани во периодот на тестирање од 2020 до 2022 година.
Неоникотиноидите го уништуваат нервниот систем на пчелите и се забранети во Европа, но во Велика Британија нивната употреба редовно се одобрува секоја година од 2021 година.
Гардијан објави дека владата во моментов ја разгледува можноста за употреба на неоникотиноиди на посевите со шеќерна репка и покрај тоа што вети дека ќе ги забрани за време на општите изборни кампањи.
Здруженијата Rivers Trust и Wildlife и Countryside Link, кои ја спровеле анализата, тврдат дека во областите каде што се концентрирани одгледувањето и преработката на шеќерна репка, особено во регионите Ист Мидлендс и Источна Англија, откриено е едно од највисоките нивоа на неоникотиноиди во тестираните речни примероци.
Најголема концентрација на пестициди е откриена и во бројни реки во споменатите региони. Во исто време, највисока вкупна стапка на неоникотиноиди е откриена на југозапад и југоисток - во 54 отсто, односно 41 отсто од примероците, како што покажа анализата на Зелените.
Активистите забележале дека во периодот од 2023 до 2024 година, само 27 речни области во цела Англија биле тестирани за пестициди, што е за 43 области помалку отколку во периодот од 2020 до 2022 година. Ова е повеќе од една третина или 37 проценти помалку од тестираните речни региони.
Тие предупредија дека овие податоци укажуваат на намалување на ресурсите на Агенцијата за животна средина и следствено, на намалување на мониторингот на реките кои се во надлежност на државните регулатори.
За време на летната изборна кампања, актуелниот премиер Кир Стармер вети дека „новата влада ќе ги забрани неоникотиноидните пестициди имидаклоприд, клотианидин и тиаметоксам поради нивните штетни ефекти врз пчелите“. /МИА
© Vecer.mk, правата за текстот се на редакцијата
