Кај народот огледалото отсекогаш се сметало за мистичен предмет. Во старите денови се користело за гатање судбина и „фрлање магии“. Се верувало дека ја собира негативната енергија на сите оние кои се погледнале во него.
Таквото „валкано“ огледало може да внесе болест, неуспех, па дури и смрт во куќата. Затоа, во античко време, луѓето не само што не си давале огледала еден на друг, туку и не ги чувале во куќата.
Според сè уште цврсто врежаното верување, подареното огледало се смета за лош знак и сигурно ќе доведе до кавги и раздор. И тоа не само меѓу оној кој го подарил и оној кој го прифатил, туку и во домот на примателот на подарокот.
Освен тоа, лицето кое го купило огледалото не треба да се гледа себеси во него додека не и го предаде на личноста за која е наменето.
Се смета дека огледалата се особено непожелен подарок за роденден, свадба или Нова година, бидејќи тие можат да ја лишат личноста од среќа седум години и да придонесат за развој на сериозни болести.
