Поштар од Бразил, по име Кристијано да Силва Антунес, стана популарен на интернет, фотографирајќи се со животните со кои се среќава во куќите и во дворовите до кои доставува пошта.
Антунес се нарекува себеси „Carteiro Amigo Dos Animais“, што значи на „поштар што е пријател на животните“. Како што изјавува многупати на Инстаграм, главната негова цел на објавувањето на фотографиите е да се сруши урбаната легенда дека животните и поштарите не се сакаат.
View this post on Instagram
Веселиот поштар внимателно го поздравува секое животно на кое ќе наиде. Ги гали и откако ќе ја добие нивната доверба – се фотографира со нив. Снимките потоа ги објавува на своите социјални мрежи, каде што сега го следат повеќе од 100.000 луѓе. Покрај тоа, Антунес се труди да им помогне на што повеќе напуштени и повредени животни.
View this post on Instagram
Мноштво фотографии што прикажуваат спасување животни се достапни на неговите профили на Фејсбук и на Инстаграм. Неговите фотографии редовно добиваат по неколку илјади допаѓања, а има следачи ентузијасти од целиот свет.
