Оваа година, посетителите можат да очекуваат голем број нови функции - од методи на плаќање, до нова содржина, до рекордни цени на пивото.
За прв пат, околу половина од продажните места ќе можат да плаќаат бесконтактно или со картичка. Дигитализацијата доаѓа и до шаторите: „Münchner Stubn“ ќе биде првиот шатор во историјата на Октоберфест каде што нема да има плаќања во готово - сè ќе се плаќа исклучиво со картичка.
Кога станува збор за цените, тие се рекордни. Еден литар пиво (Maß) чини од 14,50 до 15,80 евра - најскапо во историјата на фестивалот. Ова е зголемување од околу 3,5% во споредба со минатата година, објавува Poslovni.hr.
Оваа година на Октоберфест е воведено посебно правило и за локалните посетители – за време на викендите, дел од масите ќе бидат резервирани само за жителите на Минхен во текот на целиот ден, за да им биде полесно да најдат место без долгорочни резервации однапред.
© Vecer.mk, правата за текстот се на редакцијата
