Голема бела ајкула со должина од 5,8 метри му ја одгриза главата на нуркач во Мексико во првиот фатален напад на ајкула оваа година во областа, јавуваат американските медиуми.
Мануел Лопез нуркал за да собира мекотели во заливот Тобари кога бил нападнат и убиен пред очите на тамошните рибари.
„Тој нуркаше кога ајкулата го нападна, му ја одгриза главата и го касна за двете рамена“, изјави Хозе Бернал за еден локален медиум, додавајќи дека нуркачите биле предупредени за ајкули, а многумина не нуркале.
Сепак, Лопез решил да продолжи со нуркање и покрај предупредувањето бидејќи морал да заработи за живот и сакал да ја искористи зголемената побарувачка поради недостигот на морска храна.