logo
logo
logo

НАЈСКАПАТА КУЌА се продава за само 300 МИЛИОНИ ФУНТИ (ФОТО)

Vecer | 18.03.2023

НАЈСКАПАТА КУЌА се продава за само 300 МИЛИОНИ ФУНТИ (ФОТО)

Лондонската „Холм“ е најскапата куќа во светот во моментот на продажба, пишува „Фајненшл тајмс“. Според нивните сознанија, се продава за неверојатни 300 милиони фунти.

„Холм“ е замок стар 205 години во Риџентс Парк, Лондон. На пазарот беше пуштена откако беше преземена од член на саудиското кралско семејство. Ако ја достигне бараната цена, ќе стане најскапиот имот што некогаш бил продаден во Обединетото Кралство, пренесува Индекс.

Изградена во 1818 година

Тоа е најскапата куќа која моментално се продава во светот. Холм го симна од тронот трикатниот пентхаус во Централ Парк, Њујорк, кој беше пуштен на пазарот во септември за 250 милиони долари.Оваа лондонска вила е изградена од градител Џејмс Бартон во далечната 1818 година.

Прво неговото семејство живеело во неа, а потоа вилата била користена за колеџот Бедфорд. Таа стана приватна резиденција во 1980-тите.

40 спални соби, тениско игралиште...

Замокот има 40 спални соби и се простира на четири хектари парк во близина на срцето на Лондон. Покрај бројните соби, има осум гаражи, тениско игралиште, сауна, библиотека и голема трпезарија.

Многумина ја споредуваат оваа палата со Белата куќа во Вашингтон поради нејзината фасада и големина. Холм го привлекува интересот на странските инвеститори, исто како и другите куќи во скапите лондонски области. Имено, 48 отсто од куќите во најскапите делови на Лондон во првите шест месеци од 2022 година биле продадени на меѓународни купувачи.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk