„Денес го затвораме поглавјето за едно од најнасилните и најшокантните злосторства од омраза што сме ги виделе во округот Вестчестер“, рече окружната обвинителка Миријам Рока, според Си-Ен-Ен.
Тамел Еско (42) се изјаснил за виновен за нападот во септември. Тој е осуден на 17,5 години државен затвор, а по ослободувањето ќе биде под петгодишен надзор. На видео снимката од инцидентот, кој се случил на 11 март, може да се види Еско како прво ја нарекува 67-годишната жена која поминала покрај него „азиска кучка“.
Жената потоа влегува во нејзината станбена зграда и ги става клучевите во вратата, а Еско ја следи и ја удира со тупаница во главата. Откако 67-годишната жена паднала на земја, Еско ја удрил повеќе од 100 пати, ја газел и плукнал. По нападот, жртвата имала крварење во мозокот и повеќекратни скршеници на лицето.
„Поради злобата и омразата на Тамел Еско, местото каде што живеев повеќе од 24 години повеќе не е мојот дом, местото каде што ги одгледав моите ќерки. За време на нападот си помислив: „Те молам, Боже, пушти ме да живеам , те молам. На ќерките им требам“, вели жртвата.
„Бев бездушно плукна, претепана и клоцана над 100 пати од потполен странец само поради моето потекло. Мојата единствена надеж е дека Бог и системот на кривичната правда ќе се погрижат ова никогаш да не му се случи на друго невино семејство“, додаде таа.