Таа објави видео од нејзината авантура на Тикток, кое брзо стана вирално и привлече внимание.
Таа опиша како нуркала и наишла на јато од големи манта. Заплакала пред камера опишувајќи го несекојдневното искуство, додавајќи дека уште како дете сакала да стане биолог, а идол ѝ бил познатиот австралиски конзерватор Стив Ирвин.
„Застанавме на одредена локација и првата група нурна. Додека го чекав мојот ред, слушнав луѓе како врескаат од возбуда. Кога влегов во водата, не можев да се контролирам. До мене пливаа најмалку 15 големи манти“, изјавила 27-годишната жителка на Ватерфорд.
На видеото гледаме дека некои манти допливале блиску до воодушевената девојка, додека таа своето искуство го опишала како „надреално“, пренесува Newsweek.
„Овие огромни суштества се лизгаа низ водата како орли. Еден за малку ми го допре стомакот. Ова беше мојот сон како дете. Воспитана сум да ги почитувам, сакам и штитам животните. Запознавањето со големите манта е привилегија“, додаде таа.
@dev_skehan I wasn’t expecting that.. P.s you still have tome to vote for me in the Tiktok Awards “ rising creator” category (wtf ekk) link in my bio x This felt surreal! We went on a morning snorkel and at first saw nothing, then just one Manta Ray! While we were happy to meet just one we still tried one more snorkel spot… then this happened! A huge squadron of them feeding! I don’t need to describe it, just watch! 🌊💭🌟 #manta #freediving #snorkeling #mantaray #maldives #bucketlist #travel #solofemaletraveler @I’m Here Travels 📍 ♬ slow living (a quiet life) - Ophelia Wilde
Манта се подвид на големите ражи од родот Mobula и живеат во топли умерени, суптропски и тропски води. Најголемите примероци можат да достигнат тежина до 1.350 килограми.
Пливањето на манта ражите варира во зависност од живеалиштето. Кога се движат низ длабока вода, пливаат со постојана брзина, а кога се поблиску до брегот, обично лебдат во водата или пливаат наоколу.
© Vecer.mk, правата за текстот се на редакцијата
